TANTUM ERGO SACRAMENTUM

1. Tantum ergo Sacramentum
veneremur cernui,
Et antiquum documentum
novo cedat ritui.
Praestet fides supplementum
sensuum defectui.
2. Genitori, Genitoque
Laus et jubilatio,
Salus, honor, virtus quoque
Sit et benedictio.
Procedenti ab utroque
Compar sit laudatio. Amen.
Panem de caelo praestitisti eis (T.P. Alleluia)
R/ Omne delectamentum in se habentem (T.P. Alleluia)