O LESPRI SEN VINI NON (Klere nou)

Klere nou ak klète ou, fè nou fò avèk fòs ou
Soutni nou nan dwa chemen, konsole nou ede nou.
1. O Lespri Sen vini non konble pitit Bondye yo
Ou Lespri Bondye Papa a, ou Lespri Pitit la tou.
2. Lè chagren mare kè nou, lè nou prèt a pèd espwa,
Lè n’anvi dekouraje se ou menm k’a ede nou.
3. Ou rafrechi sa ki cho, ou rechofe sa ki frèt
Nan fatig ou se repo, nan boulvès ou se kalmi.
4. Ou ki limyè, klere nou, ou ki espwa, soutni nou
Ba nou kè, ou menm ki fòs, mete nou rotè Bondye.
5. San ou menm, Lespri Bondye, anyen nan kè nou pa bon
Se nan peche n’ap tonbe e se drive n’ap drive.
6. Kote nou sal, pròpte nou, kote nou sèk, rouze nou
Geri kote nou blese, nou panche, drese nou dwat.
7. Se nan ou konfyans nou ye fè nou kado tout debon
Kondi n’ale jwi nan syèl, nan bonè ansanm ak ou.