KÒ JEZUKRI (Yanvalou)

Yon sèl Lespri divès kalite don.
Se yon sèl kò nou fòme ansanm.
1. Bondye se twa ki fè youn,
Papa Pitit ak Lespri a.
Wi mezanmi, ala yon mèvèy sa.
2. Nou di se kretyen nou ye,
Sa vle di nou tout fè yon sèl.
Men pouki sa youn ap dechire lòt.
3. Kretyen, nou tout nou se frè.
Nou fòme yon kokenn fanmi.
Nou pa gen dwa ap viv « chen manje chen ».
4. Yon sèl Jezu-Kri, yon sèl kò.
Legiz ki reyini manb yo.
Yon sèl Lespri k’ap fè tout kò ap viv.