DIMANCH PAK

Dimanch Pak, avan jou a parèt, Jezu-Kri leve !
Dimanch Pak, avan jou a parèt, Limyè a klere !
1. Menm tranbleman tè a k’ te fèt
vandredi sen an
se li menm tou ki vin rive
jou Dimanch Pak la !
2. Menm gad yo ki t’ ap fè faksyon…
se yo menm tou ki vin tonbe…
3. Menm fi yo ki t’ ap siveye…
se yo menm tou ki vin gade…
4. Menm Jan an ki te nan pye lakwa…
se li menm tou ki vin pou wè l…
5. Menm Apot yo ki te sove…
se yo menm tou ki vin kanpe…
6. Menm Jezu a ki te kloure…
Se li menm tou ki vin leve…
7. Menm Lespri a ki te pati…
Se li menm tou ki vin soufle…
8. Menm Mari a ki t’ ap soufri…
Se li menm tou ki vin kontan…