MOUN

1. Gen moun ki pa konnen moun.
Gen lòt ki pa vle wè moun.
* Nou menm an n’ chèche konn moun
puiske nou tout nou se moun (2).
Gen moun ki kwè yo pi moun.
Lòt menm panse yo pa moun.
Ala traka pou kèk moun.
Yo pa fouti viv kon moun.
Moun gade se moun sou moun,
Men nou pa viv vre kon moun.
Bèt se bèt, men moun se moun,
Fò l’antre nan tèt tout moun.
Yo mèt menase: tout moun se moun,
Nou pap pè pèsonn: tout moun se moun,
N’ap rele pi fò: tout moun se moun.
Se yon verite tout moun se moun,
Tout moun se moun.
2. G’on nèg ki te fè li moun
Pou pa-moun yo ka vin moun.
* Li te nève anpil moun
Lè l’ t’ap di tout moun se moun (2).
Kounya toujou gen kèk moun
K’ape goumen pou kòz moun
Kèk pase anba zam moun
Yo t’ap viv ak moun, pou moun.