MÈSI BONDYE POU MÈVÈY POU FÈ

Mèsi Bondye pou mèvèy ou fè pou nou,
Mèsi Bondye, mèsi.
Mèsi anpil pou lavi ou fè nou kado,
Mèsi Bondye, mèsi.
1. Youn ap travay pou lòt, n’ape lite pou n’ viv.
Nou lapriyè ansanm, mèsi pou tou sa wi.
Jezu rasanble nou pou nou manje kò li.
Legliz la gadyen nou, mèsi anpil.
2. Solèy la klere nou, tè a ban n’ nou manje.
Zwazo chante pou nou, mèsi pou tou sa wi.
Rivyè yo pròpte nou, flè yo souri pou nou.
Linivè a se liv nou, mèsi anpil.
3. Lespri Sen rele nou. Mari kenbe men nou.
Lafwa rejwi kè nou, mèsi pou tou sa wi.
Soufrans reyini nou, somèy refè fòs nou.
Anvi jwenn ou kenbe nou, mèsi anpil.