DE MEN KONTRE

Men nan lamen n’ ape mache
Men nan lamen n’ ape travay
Bèl bagay lè frè ak sè ap bay yon lòt lamen.
1. De men kontre, se kè poze
De tèt kontre, se kè kontan.
Bèl bagay lè frè ak sè aprann byen viv ansanm.
2. Si m’ ba w’ lamen, m’ ap vin pi bon
Si w’ ban m’ lamen, w’ ap vin pi bon
Bèl bagay lè frè ak sè aprann byen viv ansanm.
3. Men ale, men vini,
se sa ki fè zanmi dire,
Bèl bagay lè frè ak sè aprann byen viv ansanm.